Dhëmbët e bardhë dhe të bukur janë gjëja e parë që bien në sy kur takojmë një person.

Megjithatë, shëndeti oral nuk i referohet vetëm pjesës së dukshme të dhëmbëve, por edhe shëndetit të të gjithë gojës dhe organizmit të brendshëm në përgjithësi, transmeton portali arbresh.info

Përveç higjienës së dobët orale që shkakton sëmundje të dhëmbëve dhe mishit të dhëmbëve, ajo është gjithashtu e lidhur me sëmundjet e zemrës, kancerin dhe diabetin dhe mund të ndikojë në zhvillimin e fetusit gjatë shtatzënisë.

Kjo është arsyeja pse është e rëndësishme të mirëmbahet higjiena e duhur orale, e cila përfshin larjen e rregullt të dhëmbëve, pastrimin e hapësirave ndërdhëmbore, përdorimin e larjes së gojës dhe kontrollet e rregullta parandaluese te dentisti.

Megjithëse mësojmë rreth larjes së dhëmbëve që në moshë të vogël, shumë nuk janë të vetëdijshëm se i lajnë dhëmbët plotësisht gabimisht dhe përdorin një furçë dhëmbësh që nuk u përshtatet atyre.

Ekziston një ndryshim i madh midis furçave të zakonshme dhe elektrike, dhe ka gjithashtu një ndryshim të madh midis furçave të dhëmbëve me cilësi të ulët dhe atyre të zhvilluara në bashkëpunim me dentistë dhe të testuar klinikisht.

Nëj studim i fundit ka gjetur se njerëzit që përdorin furça elektrike cilësore kanë më pak pllaka dhe më pak sëmundje të mishit të dhëmbëve.

Një furçë dhëmbësh e zakonshme do të bëjë punën e saj nëse përdoret si duhet, por shpesh njerëzit nuk dinë si të trajtojnë një furçë dhëmbësh si duhet dhe nuk prekin çdo sipërfaqe të dhëmbëve dhe nuk i lajnë dhëmbët e tyre mjaftueshëm./arbresh.info/